राष्ट्रपति भण्डारी म्यानमार झाँयादिल

maitrinews

स्वनिगः । राष्ट्रपति विद्यादेवी भण्डारी म्यानमार झाँयादिगु दु । भण्डारी म्यानमारया राष्ट्रपति ऊ विन मिन्टया निमन्त्रणाय् उखेपाखें झाँयादिगु खः । परराष्ट्र मन्त्रालयया कथं भण्डारीं अनया राष्ट्रपति मिन्टनापं निगुपक्षीय वार्ता यानादिँ । वय्कलं म्यानमारया स्टेट काउन्सिलर आङ सान सुकीनापं नं भेट यानादिँ । म्यानमारया राष्ट्रपति मिन्टं आयोजना यानादिगु राजकीय भोय्ले नं राष्ट्रपति भण्डारीं ब्वति कयादिँ । राष्ट्रपति भण्डारीं पिङ ओ लिङय् म्यानमारया नेपालीभाषीनापं नं नापलानादिगु ज्याभ्व दु । वय्कलं बगानय् युनेस्को विश्वसम्पदा क्षेत्र, पूर्वराजधानी सहर यंगुनया ऐतिहासिक व सांस्कृतिक महत्त्वया थासय् नं भ्रमण यानादिँ ।