नेकपाया कार्यसूची तयार जुल

maitrinews

स्वनिगः । नेपाल कम्युनिस्ट पार्टी ‘नेकपा’ या सचिवालय बैठकं स्थायी कमिटीया बैठकया कार्यसूची तय यागु दु ।
प्रधानमन्त्री निवास बालुवाटारय् थौं च्वगु सचिवालय बैठकं स्थायी कमिटी बैठकया लागिं राजनीतिक प्रतिवेदन, विधान संशोधन, केन्द्रीय कमिटीया बैठक, नेपाल भारत सीमा समस्या लगायतया कार्यसूची तय यागु पार्टीया प्रवक्ता नारायणकाजी श्रेष्ठं जानकारी बियादिल ।
नायः प्रचण्डया अध्यक्षताय् च्वंगु सचिवालयया बैठकय् मेम्हः नायः केपी शर्मा ओलीं नं ब्वति कयादिगु खः । बैठकय् वय्कलं थःगु स्वास्थ्यया बारेय् नं जानकारी बियादिल । व्कया स्वास्थ्यय् तीव्र गतिं सुधार जुयाच्वंगु प्रवक्ता श्रेष्ठं धयादिल ।
स्थायी कमिटीया बैठकय् प्रस्तुत जुइगु राजनीतिक प्रतिवेदन निम्हः नायःया सहलहय् तयार जुगु वय्कलं जानकारी बियादिल ।