न्युयोर्कय् मुक्तक मेला — न्युयोर्कपाखें न्हुच्छेनारायण डंगोल

maitrinews

न्युयोर्क । नेपाल मुक्तक प्रतिष्ठान अमेरिका शाखां लिपांगु शनिबाः अन मुक्तक वाचन तथा भेटघाट ज्यभ्वः तःजिक हन ।
न्युयोर्कया उडसाइडस्थित क्विन्स पब्लिक लाइब्रेरीं आयोजित उगु ज्यभ्वःया सभापतित्व प्रतिष्ठानया नायः साहित्यकार आनन्द श्रेष्ठं यानादिगु खः । मू पाहाँ नेपाली महावाणिज्यदूत पुष्पराज भट्टराई खः ।
ज्यभ्वः सुरुइ नायः श्रेष्ठं प्रतिष्ठानया उद्देश्य, थुकिं यागु ज्या व थुकिंया भावि ज्यभ्वःबारे कनाँदिगु खः । न्वकू कृष्णसिंह धामीं लसकुस यानादिगु खः ।
ज्यभ्वःले बरिष्ठ कानुनविद् विनोद रोक्का, पुष्कर बराल, एनबी दाहाल, यादव गौतम, राजन महतो, शारदा क्षेत्री, चित्रकार कुची, कृष्ण कुसुम, डा. गोविन्द कोइराला, डा.मधु माधुरिया, विकास विष्ट, गोबद्र्धन पुजा, मिलन शाहीलगायतया साहित्यकारपिसं मुक्तक वाचन यानादिगु खः ।
ज्यभ्वःले न्युयोर्क पिनेया सहरत बोस्टन, न्यु ह्याम्पसायर, न्युजर्सी, नर्थ क्यारोलाइनपाखें साहित्यकारपिसं ब्वति कयादिगु खः ।
ज्यभ्वः अन्त्यय् मू पाहाँ नेपाली महावाणिज्यदूत पुष्पराज भट्टराईं झिँ सन्ततितयेत झिँगु धर्म व संस्कृतिबारे जानकारी याकेत प्रष्तिष्ठानं भूमिका म्हितेत इनाप यासें नेपाली साहित्य हलिंन्यंक फैलेयाये मागुलिं बः बियादिल ।