गिरिजां तःतधंगु आक्रमण यानादिसँ धयादिलः प्रचण्ड

maitrinews

येँ । नेकपाया कार्यकारी नायः पुष्पकमल दाहाल प्रचण्डं जनयुद्धया इलय् कांग्रेसया तत्कालीन सभापति गिरिजाप्रसाद कोइरालां तःतधंगु आक्रमण यायेत सुझाव ब्युगु खुलासा यानादिगु दु । तत्कालीन नेकपा माओवादीं सञ्चालन यागु जनयुद्ध दिवसया अवसरय् बिहीबाः पार्टी कार्यालय धुम्बाराहीं आयोजित श्रद्धाञ्जवलीसभाय् प्रचण्डं जनआन्दोलन व जनयुद्ध नापं चलेजुगु इलय् पूर्वप्रधानमन्त्री एवं काँग्रेस सभापति कोइरालां आक्रमणयात मजबुत यायेत धागु खँ लुमंकादिल ।
नेपाली काँग्रेसया तत्कालीन नेता दिवंगत गिरिजाप्रसाद कोइराला व जिगु दथुई न्हिथँ थे खँ जु । वय्कलं जित तःतधंगु आक्रमण तःतधंगु फौजी आक्रमण अप्वःकेमाल धयमदिँ , उगु बडो विचित्रया खँ खः । प्रचण्डं दलतदथुईया विचित्रया संयोगं राजतन्त्र अवसान यायेगु वातावरण बनेजुगु व देश संघीय गणतन्त्रय् वयेत सफल जुगु धयादिल ।
वय्कलं तत्कालीन एमाले व माओवादीदथुई संविधान निर्माणपाखे वनिगु धैगु सहमतियाहे जगय् कांग्रेसनापं नं मिले जुयागु धयादिल । देशय् छगुपाखे जनयुद्ध व मेगुपाखे शान्तिपूर्ण जनआन्दोलन तत्कालीन ७ राजनीतिक दल व तत्कालीन नेकपा माओवादीया समझदारीं जुगु प्रचण्डया धापु खः ।