इरानविरुद्ध युद्ध यायेगु ट्रम्पया योजना नियन्त्रण यायेगु याना सिनेटय् मत

maitrinews

अमेरिका । अमेरिकी राष्ट्रपति डोनल्ड ट्रम्पया संसदया अनुमोदन विना हे इरानय् हमला यायेगु क्षमता सिनेटं सीमित यागु दु ।
इरानय् युद्ध यायेगु ट्रम्पया आशयबारे जाँच यायेगु उगु प्रस्ताव ५५–४५ या मतं अनुमोदन यागु खः । नापं ट्रम्पं अमेरिका इरानपाखें कम सुरक्षित जुइगु चेतावनी ब्युगु खः । ट्रम्पं इरानया सेनाया जेनेरलया हत्या यायेत निर्देशन बिइधुंका उगु विधेयकया छगु संस्करणयात क्वय्या सदन प्रतिनिधिसभां ज्यानुअरीय् पारित यागु खः । आः रिपब्लिकनतयेगु हे बहुमत दुगु सिनेटं उकिंया अनुमोदन यागु खः । ह्वाइट हाउसय् उगु विधेयक थ्ननेधुंका ट्रम्पं उकिं भिटो अर्थात विशेषअधिकार प्रयोग याइगु अनुमान यागु खः । बिहीवाः चान्हें च्याम्हः रिपब्लिकनतयेसं इरानविरुद्ध सैन्य कारबाही चलेयाये न्हे पूर्व राष्ट्रपति ट्रम्पं कंग्रेसनापं परामर्श कायेमागु पक्षय् मत ब्युगु खः । उगु रिजोलुसन कथं अमेरिकी संसदं युद्ध घोषणा यागु वा छुं विशेष फौज परिचालनया अनुमति ब्युगु खण्डय् बाहेक इराननापं टकरावय् दुगु अमेरिकी फौजयात ट्रम्पं हटेयायेमा । तर, उगु कानुनं अमेरिकाय् जुइगु छुं ‘अवश्यम्भावी हमला’पाखें रक्षा यायेत धासाः रोकेयागु मदु ।