भ्यालेन्टाइन डेय् न्ह्याइपुकुसें युवायुवती

maitrinews

स्वनिगः । थौं फेब्रअरी १४ अर्थात् भ्यानेन्टाइन डे । प्रणय दिवसया रुपय् थुकिंयात हनेगु चलन विस्तार जुगु दु । थ्वः पादरी सेन्ट भ्यालेन्टाइनया वलिदाननापं सम्बन्धित दु ।
तत्कालीन रोमन सम्राट् क्लाउडियस द्वितीयं युवा प्रेम व इहिपाःपाखें वसाः सैनिक सेवा प्रभावित जुई धैगु ठानेयाना थुकिंयात प्रतिबन्ध यागु खः तर भ्यालेन्टान धासाः सम्राट्या निर्णययात धर्म विरुद्ध धाई ।
वं राजाया आदेशया अवज्ञा यासें प्रेम व इहिपाःया लागिं प्रेरित यासें युवायुवतीया जोडीत तयार याना सार्वजनिक थासय् हे सामूहिक इहिपाः ज्याभ्वः सम्पन्न यात ।
निषेधाज्ञा तोडेयागु आरोपय् वयात ई। पू। २७० या फेब्रुअरी १४ य् मृत्युदण्ड ब्युगु खः ।
प्रेमया लागिं प्राण उत्सर्ग यायेगु वहे पादरीया सम्झनाय् भ्यालेन्टाइन डे हनेगु यागु खः ।
पाश्चात्य सभ्यताया भ्यालेन्टाइन डे नेपालय् ५० या दशकय् युवायवतीं दुतहगु खः ।