थौं ग्याल्बो ल्होसार, शेर्पा समुदायं थि थि ज्याभ्व्mयाना हनिगु

maitrinews

स्वनिगः । हरेक वर्ष फागुन शुक्ल प्रतिपदाया दिँ शेर्पा समुदायं हनिगु सांस्कृतिक नखः ग्याल्बो ल्होसार थि थि ज्याभ्वः आयोजना याना थौं हनाच्वंगु दु ।
न्हुदँया रूपय् शेर्पा समुदायं २१४७ औँ ग्याल्बो ल्होसार हनाच्वंगु खः । छुं, साः, धुँ, खराः, मेघ, ताहाः, सलः, डुकु, माकँ, चखुँ, खिचाँ व बराह याना १२ वर्गय् ग्याल्बो ल्होसारयात विभाजन यागु दु ।
थौं बराह वर्ष पूरा जुया थौंनिसें छुं वर्ष सुरु जुगु दु । ग्याल्बो ल्होसार फागुन शुक्ल प्रतिपदानिसें पूर्णिमातक्क थि थि ज्याभ्वः याना तःजिक हनिगु खः । ग्याल्बो ल्होसार भोटया गुम्हःम्हः राजा उदे गुङ्ग्यालया पालानिसें वसन्त पर्वया नामं हनेगु सुरु यागु खः । विगतय् हिमाली क्षेत्रया १२ जिल्लाय् हनिगु ग्याल्बो ल्होसार आः २२ जिल्लाय् हनिगु खः ।
शेर्पा जातिया बसाइसराइनापं थगु नखः हनिगु जिल्ला अप्वःगु खः । पुस १५ य् गुरुङ समुदायं तमु व माघ शुक्ल प्रतिपदाया दिँ तामाङ समुदायं नं सोनाम ल्होसारया नामय् थुगु नखः हनिगु खः । राष्ट्रपति विद्यादेवी भण्डारीं ग्याल्बो ल्होसारया अवसरय् सुख, शान्ति, समृद्धि एवं उत्तरोत्तर प्रगतिया भिन्तुना देँछानादिगु दु ।