होली सुरु जुगु जनाउ ब्युसें वसन्तपुरय् चीरस्वात

maitrinews

येँ । फागु अर्थात् होली पर्व सुरु जुगु जनाउ बिइत येँया वसन्तपुरय् चीरस्वागु दु ।

मंगलबा सुथय् ७ ः५७ बजेया साइतय् विधिपूर्वक चीरस्वागु खः । वसन्तपुरय् चीरस्वाय् धुंका स्वनिगः नापं देँन्यंक होली नखः सुरु जुगु मानेयाई । वसन्तपुरय् चीरस्वाय्धुंका हर्ष बढाइँ यागु खः । नापं सहभागीदथुई रंगीबिरंगी अबिर तया खुसीयाली मनेयागु खः । फागुन शुक्ल अष्टमीनिसें फागुन शुक्ल पूर्णिमातक्क होली नखः हनिगु याई । थुगु वर्ष होलीया मुख्य दिँ स्वनिगःनापं पहाडी जिल्लातयेके फागुन २६ गते व तराई मधेसया जिल्लातयेके फागुन २७ गते सार्वजनिक विदा ब्युगु दु । रंगीचंगी कापतँ चिनाँतगु स्वंगु तल्ले चीर फागुन शुक्ल पूर्णिमाया चान्हें टुँडिखेलय् यंका जलेयायेधुंका होली क्वचाइगु खः ।