कोरोनां सिपिनिगु ल्याः झिद्धः पुलः, चीनय् स्वयाँ इटालीं अप्वः सित

maitrinews

चीन । हलिंन्यंक कोरोना भाइरस ९कोभिड(१९० संक्रमणपाखें मृत्यु जुपिनिगु ल्याः झिद्धः पुलेधुंकुगु दु ।
शुक्रबाः सुथय्तक्कया तथ्यांक कथं कोरोनापाखें हलिंन्यंक १००३५ म्ह सिधुकुगु दु ।
कोरोनाया उद्गम थाय् चीनय् स्वयाँ थुकिया संक्रमणपाखें इटालीं अप्वः ज्यान वंगु दुु । कोरोना भाइसका कारणं इटालीं आःतक्क ३४०५ म्ह सिधुकुगु दु ।

बिहीबाः छन्हँ हे इटालीं ४२७ म्ह सिगु बीबीसीं धागु दुु । चीनय् आःतक्क कोरोनां ३२४९ म्ह जक सिगु दु ।

१२ मार्चनिसें इटालीं मनतयेत छेँ पिहाँवयेत प्रतिबन्ध यागु दु । तर, संक्रमणया कारणं सिपिनिगु ल्याः म्ह्वः जुगु मदु ।

शुक्रबाः सुथय्तक्क कोरोनां हलिंन्यंक २ लाख ४४ हजार ९९७ म्ह संक्रमित जुगु दु । अथेहे ८७ हजार ४०८ म्ह संक्रमित उपचारलिपा ल्वय् लंगु दु ।