नेपालया प्रयोगशालाया परीक्षण विश्वसनीय जुगु विश्व स्वास्थ्य संगठनया धापु

maitrinews

 

येँ । विश्व स्वास्थ्य संगठनं नेपालया केन्द्रीय जनस्वास्थ्य प्रयोगशालां यागु कोरोना भाइरसया परीक्षण विश्वसनीय व चित्तबुझेँ जुगु धागु दु ।
डब्लूएचओं नेपाल स्वास्थ्य तथा जनसंख्या मन्त्रालयया इनापय् राष्ट्रिय जनस्वास्थ्य प्रयोगशालाया अध्ययन यायेत मार्च १३ निसें २१ तक्क माइक्रोबायोलोजिस्ट डाक्टर जोनाथन एस्क्रोफ्टयात खटेयागु खः ।
डब्लुएचओं छुं सुधारया सिफारिसनापं डाक्टर जोनाथनं तयार यागु प्रतिवेदनसहित स्वास्थ्य तथा जनसंख्या मन्त्रालययात पौं च्वगु खः ।
प्रतिवेदनया कथं प्रयोगशालां कोरोना भाइरसया परीक्षणय् दक्वः प्रक्रिया पूरा जुगु उल्लेख याग द । नापं ल्याब उपकरण व खटेयाग जनशक्तिया प्रदर्शन नं बाँलाग धासें परीक्षण क्षमता धासाः विस्तार यायेमागु सुझाव ब्युगु दु ।
परीक्षणया दक्वः प्रक्रिया गुणस्तरीय जुगु उल्लेख यासें डब्लूएचओं जनस्वास्थ्य प्रयोगशालां रिपोर्टत तथ्यगत हिसाबं विश्लेषण यागु नं डब्लूएचओं धागु दु ।
विश्व स्वास्थ्य संगठनं कोभिड परीक्षणया लागि प्रयोगशालां बाँलाक तयारी यागु धासें संगठनं नियमित रुपं ग्वाहाली यायेगु प्रतिबद्धता जनेयागु दु ।