येँ थप छम्हसिके खनेदत कोरोना भाइरस, संक्रमितया ल्याः ३ थ्यन

maitrinews

येँ । येँ कोरोना भाइरस (कोभिड(१९) थप छम्ह व्यक्तियाके पोजेटिभ खनेदुगु दु । थ्वः नापं नेपालय् कोरोना भाइरस संक्रमितया ल्याः ३ थ्यंगु दु ।

टेकुस्थित शुक्रराज ट्रपिकल तथा सरूवा रोग अस्पतालं यागु नमुना परीक्षणय् थप छम्हसिके पोजेटिभ खनेदुगु दु । स्वास्थ्य मन्त्रालयं नं थःगु वेबसाइटय् कोरोना संक्रमित व्यक्तिया ल्याः ३ थ्यंगु उल्लेख यागु दु ।

टेकुस्थित जनस्वास्थ्य प्रयोगशालाया सूचना अधिकारी राजेशकुमार गुप्तां छम्ह व्यक्तिया रिपोर्टय् पोजेटिभ वगु धागु खः । यद्यपि न्हुँम्ह संक्रमितया बारे थप खुलेयागु मदु । थ्वः नापं नेपालय् संक्रमितया ल्याः ३ थ्यंगु खः ।

न्हापां चीनपाखें वम्ह छम्ह विद्यार्थीयाके कोरोना संक्रमण खनेदुगु खः । उम्ह व्यक्ति उपचारलिपा ल्वय् लनेधुंकुगु दु ।

४ चैतय् फ्रान्सं कतारया दोहा जुया नेपाः वम्ह १९ वर्षीया युवतीयाके नं संक्रमण खनेदुगु दु । आइतबाः स्वास्थ्य मन्त्रालयं उकिंया जानकारी ब्युगु खः । उगु नापं सरकारं लकडाउनया घोषणा यागु खः ।

नेपालय् आःतक्क ६८७ म्ह या नमुना परीक्षण यागु दु, उकिंमध्ये ६८४ म्ह या रिपोर्ट नेगेटिभ वगु दु ।