कोरोनां चीनस्वयाँ स्पेनय् अप्वः मनू सित, उपप्रधानमन्त्रीयात नं कोरोना संक्रमण

maitrinews

स्पेन । कोरोनाभाइरस सङ्क्रमणया कारणं स्पेनय् सिपिनिगु ल्याः चीनय् स्वयाँ अप्वः जुगु दु । अन लिपांगु छन्हु हे थप ७३८ म्ह नापं कुल ३४०० मनूतयेसं कोभिड(१९ या कारणं ज्यान गुमेयागु दु ।

चीनया स्वयाँ थ्वः १५० म्ह अप्वः खः । चीनय् ८१००० य् सङ्क्रमण फैलेजुसाः नं ज्यान गुमेयापिनिग ल्याः ३२०० स्वयाँ छुं अप्वः दु ।

उगु ल्वय् नं दकले अप्वः इटलीं सिगु दु । अन ७००० स्वयाँ अप्वः मनूतयेसं ज्यान गुमेयागु दु ।

स्पेनकी उपप्रधानमन्त्री नं सङ्क्रमित
स्पेनया उपप्रधानमन्त्री कार्मेन काल्भोयात नं भाइरस सङ्क्रमण खनेदया अस्पताल यंकुगु दु ।
स्पेनय् खासयाना राजधानी मड्रिड दकले अप्वः प्रभावित जुगु दुसाः उत्तरपूर्वी क्याटलोनियाय् नं तीव्र गतिं सङ्क्रमण अप्वःया च्वंगु दु ।

अनया सांसदतयेसं देशय् लगेयागु आपतकालीन स्थितियात थप निवाः अप्वःयेका अप्रिल ११ तक्क थ्यंकेत मतदान यानाच्वंगु दु ।

उगु नियम कथं मनूतयेत छेँ पिने वयेत प्रतिबन्ध लगेयागु दु । इमित केवल अत्यावश्यक सामान किनमेल यायेत वा ज्याया लागिं पिहाँवये दई ।