कंगोया पूर्व राष्ट्रपतिया कोरोना भाइरसया कारणं ज्यान वन

maitrinews

येँ । गणतन्त्र कंगोया पूर्व राष्ट्रपति ज्याक्स जोकिम योम्बीया कोरोना भाइरसया कारणं ज्यान वंगु दु । अल जजिराया कथं योम्बीया सोमबाः ८१ वर्षया उमेरय् पेरिस अस्पतालय् उपचारया भ्वलय् ज्यान वंगु खः ।

वय्कया काय्यात उद्धृत यासें एपीएफं धागु कथं योम्बीयात कोरोना भाइरसया लक्षण खनेधुंका अस्पताल भर्ना यागु खः । वय्कलं सन् १९७७ निसें १९७९ तक्क कंगोया शासन सत्ता सम्हालेयागु खः ।

हलिंन्यंक महामारीया रुपय् फैलेजयाच्वंगु कोरोना (कोभिड १९) या संक्रमणं आःतक्क कंगोय् १९ म्ह सिगु दु । योम्बी कंगोया डेमोक्रेसी एण्ड डेभलपमेन्ट पार्टीया संस्थापक खः ।