बाँकें एम्बुलेन्स व मोटरसाइकल ल्वानाँ छम्ह सित

maitrinews

बाँके । बाँकें एम्बुलेन्स व मोटरसाइकल एक आपसय् ल्वानाँ छम्ह सिगु दु । मंगलवाः सुथय्या इलय् कोहलपुर नगरपालिका ११ न्यूरोडं विरामी ज्वना नेपालगञ्जपाखें वनाच्वंगु भे १ च ८३४ नम्बरया एम्बुलेन्स व विपरित दिशापाखें वयाच्वंगु से १ प ४८४ नम्बरया मोटरसाइकल एक आपसय् ल्वागु खः ।

दुर्घटनाय् लानाः मोटरसाइकल चालक गम्भिर घाःपा जुगु दुसाः मोटरसाइकलय् सवार सोभा केसीया मृत्यु जुगु दु ।

अथेहे एम्बुलेन्स चालक रामकुमार थारुयात नियन्त्रणय् कया थप अनुसन्धान जुयाच्वंगु इलाका प्रहरी कार्यालय कोहलपुरया प्रमुख डिएसपी कुलदीप चन्दं जानकारी बियादिल ।