वीर अस्पतालय् मृत्यु जुपिं निम्हसिके खनेमदु कोरोना संक्रमण

maitrinews

येँ । वीर अस्पतालय् उपचार यानाच्वंगु अवस्थाय् मृत्यु जुम्ह छम्ह मिजँ व छम्ह मिसाः या कोरोना भाइरस (कोभिड–१९) परीक्षणया रिपोर्ट नेगेटिभ वगु दु ।

आइतबाः भर्ना जुम्ह ३७ वर्षीया छम्ह मिसाः व सोमबाः भर्ना जुम्ह ५० वर्षीया मिजँया वीर अस्पतालय् उपचारया भ्वलय् मृत्यु जुगु खः ।

मृत्यु जुपिं निम्हसिया कोरोना संक्रमणया आशंकामा स्वाव (नमूना) संकलन याना परीक्षणया लागिं राष्ट्रिय जनस्वास्थ्य प्रयोगशाला टेकु छ्वँगु खः । तर, प्रयोगशालां प्राप्त रिपोर्टय् निम्हसिकें कोरोनाया संक्रमण खनेमदुगु वीर अस्पतालया निर्देशक डा केदार सेञ्चुरीं जानकारी बियादिल ।

येँया सतंगुलय् च्वँम्ह ३७ वर्षीया मिसाः व भारत छेँ दुम्ह येँया कालिमाटीं च्वँना वम्ह ५० वर्षीया मिजँया सोमबाः मृत्यु जुगु खः ।

मृत्यु जुम्ह मिसाः थुकिं न्हापा नं मधुमेह, पिसाबया संक्रमण व आइपोटेन्सन लगायत समस्यां ग्रसित जुयाच्वंगु खः ।

परिवारया दुजःपिंस कोरोनाया कारणं मृत्यु जुगु मखु धासें सोमबाः हे अस्पतालं शव बुझेयाना यंकुगु खः ।

५० वर्षीय भारतीय मिजँयात धासाः बेहोस अवस्थाय् सोमबाः सुथय् ११ बजे वीर अस्पताल हगु खः । उपचारया भ्वलय् न्हिँने १ बजे उम्ह व्यक्तिया मृत्यु जुगु खः ।

थुकिं न्हापा आइतबाः चान्हें यलःया लगनखेलस्थित पाटन अस्पतालय् नं छम्ह बिरामीया उपचारया भ्वलय् मृत्यु जुगु खः । अस्पतालं कोरोना संक्रमणया आशंकाय् नमूना संकलन याना परीक्षणया लागिं छ्वँसाः नं रिपोर्ट धासाः नेगेटिभ वगु खः ।