कोरोनां अमेरिकाय् साढे २ लाख मनूतयेगु मृत्यु जुइगु ह्वाइट हाउसया अनुमान

maitrinews

येँ । चीनं सुरु जुगु कोरोना भाइरसया महामारीं अमेरिकाय् विकराल रुप कागु दु । अमेरिकाय् थ्यंमथ्यं पौने २ लाख मनूतयेत कोरोनाया संक्रमण जुगु दु । ३००० स्वयाँ अप्वः मनतयेसं ज्यान गुमेयागु दु ।

थ्वः ल्याः २००१ य् जुगु आतंकवादी हमलाय् सिपिं स्वयाँ अप्वः खः । थुकिंदथुई अमेरिकी राष्ट्रपति ट्रम्पं देशवाशीयात थुकिंया खराब अवस्थाया लागिं तयार जुइया लागिं इनाप यागु दु ।

मंगलबाः ह्वाइट हाउसय् मिडियानापं वय्कलं धयादिल, ‘वइगु निवाः अत्यन्त दर्दनाक जुई । थजागु अवस्थाय् झीपिं तयार जुइमागु दु । आःतक्क गुगु अवस्था दु, व स्वयाँ नं खराब अवस्था वयेफु ।’

अमेरिकां हजारौं मनूत गुमेयायेधुंकुगु दु थ्वः ल्याः अझ अप्वःइगु वय्कलं धयादिल ।
ह्वाइट हाउसया छगु अनुमान कथं कोरोनाभाइरसया कारणं अमेरिकाय् १ लाखनिसें साढे २ लाख तक्कया ज्यान वनेफुुग खनेदुगु दु । उकिंलिपाः ट्रम्पं खराब अवस्थाया लागिं तयार जुइत इनाप यानादिगु खः ।

बुधबाः सुथय्तक्कया आंकडा कथं अमेरिकाय् कोरोना भाइरसं १ लाख ८८ हजार स्वयाँ अप्वः संक्रमित जुगु दु । अथेहे ३८८३ मनूतयेसं ज्यान गुमेयायेधुंकुगु दु ।