अम्फान वाःफय् नं भारत व बंगलादेशय् १५ म्ह सीत, लाखौं विस्थापित

maitrinews

भारत । भारत व बंगलादेशय् वगु अम्फान वाःफय्या हुनिं १५ म्ह सीगु दु । तीव्र गतिइ वगु वाःफय्या हुनिं इमिगु ज्यान वंगु खः ।

भारतया कोलकातानिसें बंगलादेशतक्क सडकया सिमात गोतुगु दु अथेहे छेँया पलिँ ब्वयेका यंकुगु दु ।

अम्फान वाःफय् वइगु पूर्वानुमानलिपा प्रभावित क्षेत्रय् लाखौं मनूत विस्थापित जुगु दु ।

थुकिंया असर अझ नं रोकेजुगु मदुनी । सोमबाःनिसें हे थ्वः वाफय् वइगु अनुमान यागु खः ।

३० लाख मनूत विस्थापित जुगु बीबीसीं धागु दु । गुलिसितं सरकारं उद्धार याना सुरक्षित स्थानपाखें छ्वँगु दुसाः गुलिं नागरिक थःहे नं सुरक्षित स्थानय् वँगु धागु दु ।

विशेषगरी भारतया पश्चिम बंगाल राज्यय् वाःपलय्पाखें बचेजुइत सतर्कता अपनेयागु दु । बंगालया खाडीं सुरु जुया भारतया पूर्वी तटीय क्षेत्रय् थुकिंया असर जुइगु धागु दु । दकले अप्वः क्षति धासाः बंगलादेशय् जुगु दु ।