थप १७ म्ह कोरोना संक्रमण पुष्टि, संक्रमितया ल्याः ४४४ थ्यन

maitrinews

येँ । नेपालय् थप १७ म्ह कोरोना संक्रमण पुष्टि जुगु दु ।

नेपालय् बिहीबाः सुथय् थप १७ म्हय् कोरोना भाइरस संक्रमण पुष्टि जुगु खः ।

थ्वः नापं नेपालय् संक्रमितया ल्याः ४४४ थ्यगु स्वास्थ्य तथा जनसंख्या मन्त्रालयं धागु दु ।

थौं संक्रमण पुष्टि जुपिं अप्वःथे झापा जिल्लायापिं दु । झापाया १५ म्हय् संक्रमण पुष्टि जुगु खः ।

बीपी कोइराला स्वास्थ्य विज्ञान प्रतिष्ठान, धरान व विराटनगरया कोशी प्रादेशिक जनस्वास्थ्य प्रयोगशालाय् यागु परीक्षणय् १७ म्हय् संक्रमण पुष्टि जुगु मन्त्रालयं जारी यागु विज्ञप्तिं उल्लेख दु ।

थौं थप जुपिं संक्रमितय् झापाया कचनाकवल गाउँपालिकाया १५ म्ह दु । अथेहे धनकुटा व सुनसरीया छम्ह छम्ह दु ।