थप ३६ म्ह कोरोना संक्रमण पुष्टि, संक्रमितया ल्याः ५८४ थ्यन

maitrinews

येँ । देँन्यंक कोरोना भाइरस संक्रमितया ल्याः ५८४ थ्यगु दु । शनिवाः थप ३६ म्ह संक्रमण पुष्टि जुगु खः ।

कोरोनाया लिपांगु दैनिक अद्यावधिक विवरण सार्वजनिक यासें स्वास्थ्य तथा जनसंख्या मन्त्रालयया प्रवक्ता डा. विकास देवकोटां कूल संक्रमितमध्ये मिजँ ५०५ व मिसाः ७९ म्ह दुगु धयादिल ।

शनिवाः थप जुपिं संक्रमितमध्ये सेती प्रादेशिक अस्पताल धनगढीं च्वगु बैतडीया शिवनाथ गाउँपालिकाया प्यम्ह दु । आरडीटी पोजेटिभ खनेदयेधुंका अस्पतालया आइसोलेसनय् भर्ना जुपिं प्यम्हसिया पीसीआर पोजेटिभ खनेदुगु प्रवक्ता देवकोटां धयादिल ।

कोशी अस्पतालया प्रयोगशालाय् परीक्षण यागु इलय् झापा गाउँपालिकाया ३३ वर्षीय मिजँयाके कोरोना पुष्टि जुगु दु । राप्ती स्वास्थ्य विज्ञान प्रतिष्ठानया प्रयोगशालाय् परीक्षण याग इलय् बाँकेया नरैनापुर मदरसायाा ६, नरैनापुर–३ या १५, नरैनापुर–१ या ६ व बर्दियाया बडैयाताल–७ या छम्ह कोरोना पुष्टि जुगु प्रवक्ता देवकोटां धयादिल ।

सुर्खेत जिल्लाय् निम्ह मिजँ व छम्ह मिसाः याना शनिवाः स्वम्हय् कोरोना संक्रमण पुष्टि जुगु दु ।