पाकिस्तानय् आवासीय क्षेत्रय् जेट विमान दुर्घटनाग्रस्त, ९९ म्ह सीत

maitrinews

इस्लामावाद । पाकिस्तानया लाहोर शहरं ब्वया च्वगु पाकिस्तान अन्तर्रा्ष्ट्रिय वायुसेवाया छगः एअरबस ए३२० विमान कराची शहरया सघन आवासीय क्षेत्र मोडेल कोलोनीं दुर्घटनाग्रस्त जुया विमानय् सबार दक्वः ९९ म्ह सीगु दु ।

फ्लाइट पीके ८३०३ य् ९१ म्ह यात्रु व च्याम्ह चालकदलया दुजः दुगु खः । उगु विमान जिन्नाह अन्तर्रा्ष्ट्रिय विमानस्थलय् अवतरण यायेग कुतलय् दुगु खः ।

उगु विमानया चालकं इन्जिनया शक्ति गुमेजुगु जानकारी ब्युगु खः व उकिं विमान संकटय् दुगु सूचँ मेडे जारी यागु खः ।

विमान दुर्घटना जुगु हुनि पुष्टि जुई बाँकि दनी । पीआइएया प्रमुख कार्यकारी एअर भाइस मार्शल अर्शद मलिकं धागु दु विमान चालकं ट्राफिक कन्ट्रोलयात उगु विमानं छुं प्राविधिक समस्यात बेहोरेयानाच्वगु धागु खः ।

विमानं दुर्घटनाय् लाय् न्ह्यो छकः विमानस्थलय् अवतरण यायेग कुतः यागु खः तर विमानचालकतयेसं निक्वःगु पटक कुतः यायेग निर्णय कागु ख ।

ब्यांक अफ पन्जाबया नायः जफर मसुद उगु विमानया छम्ह यात्रु खः व वय्क म्वायेत सफल जुगु धागु दु । मेम्ह जिवित व्यक्तिया नाँ मुहम्मद जुबैर खः ।

पाकिस्तानया प्रधानमन्त्री इमरान खानं थः उगु दुर्घटनां स्तब्ध र दुःखी जुगु धासें थुगु विषयले तत्काल अनुसन्धान न्ह्याकेग प्रतिबद्धता यागु दु ।
कोरोनाभाइरस महामारीया हुनिं अवरुद्ध आन्तरिक वायुसेवा निलाःलिपा आःतिनी सञ्चालनय् वगु खः ।