राजदूत डा. शाक्यया कुतःलय् निगु देशया चेम्वरदथुई सम्झौता

maitrinews

तेल अभिभ । मिति २०७७ जेष्ठ ८ गतेया दिँ इजरायलया लागि नेपाःया राजदुत डा. अन्जान शाक्यया संयोजकत्वय् नेपाल इजरायल चेम्वर अफ कमर्श व इजरायल एसिया चेम्बर अफ कमर्शया दथुई निगु देश बीच व्यापार, लगानी, उद्योग, कृषि, पर्यटन, प्रविधि, यातायात, पूर्वाधार विकास, उर्जा आदी क्षेत्रतयेके व्यापार व्यवसाय यायेगु याना सम्झौता जुल । उगु सम्झौताय् नेपाल इजरायल चेम्बर अफ कमर्शया पाखें नायः शिशिर भट्ट व ईजरायल एशिया चेम्बर अफ कमर्शया पाखें द्वितीय न्वकू अनात बर्नस्टेनं हस्ताक्षर यानादिगु खः ।
उगु ज्याभ्वःया दक्वः व्यवस्थापन तथा संयोजन नेपाली राजदुतावासपाखें सम्पन्न जुगु खः । राजदुतावासया नियोग उपप्रमुख अर्जुन घिमिरे व सहचारी प्रदीप सागर गिरीं भिडियो कन्फरेन्सया व्यवस्थापन नापं मेंमेगु दक्वः व्यवस्थापन यानादिगु खः ।
थथे अनलाईन जुम वेविनारपाखें सम्झौता जुगु सम्भवत थ्वः हे न्हापांगु ज्याभ्वः खः ।

उगु ज्याभ्वःलय् नेपाः व ईजरायलया पाखें थ्यमथ्यं १०० स्वयाँ अप्वः उद्योगी व्यापारीपिंस ब्वति कयादिगु खः । उगु समारोहय् महामहीम डा. शाक्यं निगु हे देशय् प्रचुर मात्राय् व्यापार व्यवसायया अवसर दुगु हुनिं आः लकडाउन चालेधुंका छगु मेंगु देश भ्रमण याना सम्झौता कार्यान्वयनया लागिं आवश्यक ज्या न्ह्याकेत इनाप यानादिल ।

महामहीम राजदुत डा. शाक्ययात छुं दिँ न्ह्योजक थ्वः बर्षया “एम्बेसडर अफ द एयर” अवार्ड पाखें सम्मानित जुगु घोषणा यागु खः । इजरायलय् च्वगु ९० देशया राजदुतावासतयेसं डा. शाक्यया पक्षय् मत जाहेर याग हनिं थ्वः बर्ष डा. शाक्य उगु अवार्डपाखें सम्मानित जुयादिगु खः । उगु अवार्डपाखें सम्मानित जुयादिम्ह डा. शाक्य एशियाहे न्हापांम्ह राजदुत खः ।