राष्ट्रपति, प्रधानमन्त्रीनापं विशिष्ट व्यक्तियात नेपालया नक्सा हस्तान्तरण

maitrinews

येँ । नेपाल सरकारं सार्वजनिक यागु नेपालया अद्यावधिक राजनीतिक व प्रशासनिक नक्सा राष्ट्रपति, प्रधानमन्त्री नापं नेपाली काँग्रेसया सभापति शेरबहादुर देउवायात हस्तान्तरण यागु दु ।

भूमि व्यवस्था, सहकारी तथा गरिबी निवारण मन्त्री पद्माकुमारी अर्यालं मन्त्रालयया पाखें राष्ट्रपति विद्यादेवी भण्डारी, उपराष्ट्रपति नन्दबहादुर पुन, प्रधानमन्त्री केपी शर्मा ओलीयात नक्सा हस्तान्तरण यानादिगु खः ।

अथेहे मन्त्री अर्यालं प्रतिनिधिसभाया सभामुख अग्नी सापकोटा, राष्ट्रियसभाया नायः गणेशप्रसाद तिमिल्सना, नेपाली कांग्रेसया सभापति शेरबहादुर देउवायात हस्तान्तरण यानादिगु खः ।

लिपांगु जेठ ५ गते जुगु मन्त्रीपरिषद्या बैठकं लिम्पियाधुरा, लिपुलेक व कालापानी क्षेत्र नापंया नेपालया अद्यावधिक ९राजनीतिक व प्रशासनिक० नक्सा स्वीकृत यागु खः ।

मन्त्रीपरिषद्ं नक्सा स्वीकृत यायेधुंका बिहिवाः भूमि व्यवस्था, सहकारी तथा गरिबी निवारण मन्त्रालयं औपचारिक रुपय् नक्सा सार्वजनिक यागु खः ।