बलिउड कलाकार सुशान्त सिंह राजपुतं आत्महत्या यात

maitrinews

येँ । बलिउडया लोकंह्वाम्ह कलाकार सुशान्त सिंह राजपुतं आत्महत्या यागु दु ।

वय्क आइतबाः सुथय् मुम्बाईस्थित थःगु हे छेँ यःगानाच्वंगु अवस्थाय् लुयावगु भारतीय सञ्चारमाध्यमं धागु दु ।

३४ वर्ष दुम्ह सुशान्तं छु हुनिं आत्महत्या यात धैगु विषयलय् छुं मस्युनी।

राजपतं खुला ह्योनिसें डिप्रेसनय् दुगु धासें प्रहरीं डिप्रेसनया हे हुनिं वय्कलं आत्महत्या यागु जुइफुगु प्रारम्भिक अनुमान यागु दु ।

टेलिसिरियलपाखें करिअर सुरुवात यानादिम्ह वय्कलं न्हापांगु सिरियल ‘किस देशमे हे मेरा दिल’य् अभिनय यानादिगु खः । वय्कया विशेष परिचय धासाः एकता कपुरया धाराबाहिक सिरियल ‘पवित्र रिस्ता’पाखें दुगु खः ।

उकिंलिपाः वय्क ‘काइ पो चे’पाखें बलिउडय् प्रवेश यागु खः । उकिं वय्कया अभिनयया यक्वः निकै चर्चा जुगु खः । उकिंलिपाः ‘शुद्ध देशी रोमान्स्’, भारतीय क्रिकेट टिमया पूर्वकप्तान एमएस धोनीया बायोग्राफीं आधारित फिल्म ‘एमएस धोनी स् द अन टोल्ड स्टोरी’, ुपिकेु, ुसोन चिडिया औरु छिछोरी’ थःजागु संकिपाय् ज्या यानादिगु खः ।