संघनायक भिक्षु ज्ञानपूर्णिक महास्थवीर मन्त

येँ । राष्ट्रिय तथा अन्तराष्ट्रिय ख्यलय् ख्यातिप्राप्त नेपाःया थेरवादी बौद्ध जगतया शिखर व्यक्तित्व अखिल नेपाल भिक्षु महासंघया नाय भिक्षु ज्ञानपूर्णिक महास्थविरया ८१ बर्षया उमेरय् निधन जुगु दु ।
नेपाःया न्हेम्हम्हः संघनायक वसपोलयात थाइलाण्डया निगु विश्वविद्यालयपाखें मानार्थ विद्यावारिधि प्रदान यागु खः । अथेहे म्यानमार सरकारं राष्ट्रियस्तरया अग्रमहापण्डित पदं सम्मन यागु खः । वसपोलयाहे न्ह्यलुवाय् विश्व शान्ति विहार तथा विश्व शान्ति बौद्ध विद्यालय एवम् लुम्बिनी विश्व विद्यालयपाखें सम्बन्धन प्राप्त थेरवाद बुद्धिस्ट एकेडेमीया स्थापना जुगु खः । वसपोल संघनायक भन्ते यलया सुमेरू अस्पतालय् थौं सुथसिया ४ः३५ बजे मदुगु भिक्षु बोधिज्ञानं जानकारी बियाः बिज्याःगु दु ।
पाल्पा, तानसेन हिरण्य लाल शाक्यया रुपय् वि. सं १९९६ य् जन्म जुया बिज्याम्ह वसपोल ताःईनिसें मृगौलाया रोगं पीडीत जुयाच्वना ब्ज्यिागु खः ।
मदुम्ह भिक्षु ज्ञानपूर्णिक महास्थविरप्रति अन्तिम श्रद्धाञ्जलिया लागि सुथसिया १० ताइलय् येँया न्हू बानेश्वरय् च्वंगु विश्व शान्ति विहारय् तइगु जानकारी नं भिक्षु बोधिज्ञानं जानकारी बियाः बिज्याःगु दु ।
मदुम्ह भिक्षु ज्ञानपूर्णिक महास्थविर आपालं सफूया च्वमि लिसें लुम्बिनी बौद्ध विश्वविद्यालय अन्तर्गत न्ह्यानाच्वंगु थेरवादी बौद्ध एकेडेमिया नायः नं खः ।