थौंनिसें सार्वजनिक यातायता सुचारु

maitrinews

येँ । थौंनिसें सार्वजनिक यातायात सुचारु जुगु दु । सरकारं स्वनिगया स्वंगु जिल्लाय् सार्वजनिक सवारी सञ्चालन याके बिइगु निर्णय जुगु दु । सरकारया प्रवक्तासमेत जुयादिम्ह अर्थ र सञ्चार एवं सुचना प्रविधिमन्त्री डा। युवराज खतिवडां पत्रकार सम्मेलनय् थजागु जानकारी बियादिगु खः ।
प्रवक्ता खतिवडां बियादिगु जानकारी कथं स्वनिगया स्वंगु जिल्लादुने दुरी कायम याना सवारी सञ्चालन याके बिइगु निर्णय जुगु खः । स्वनिगः पिने सम्बन्धित जिल्लाय् जक हे सञ्चालन याके बिइगु निर्णय जुगु मन्त्री खतिवडां जानकारी बियादिल ।
वय्कया कथं चालक व सहचालकं मास्क, स्यानिटाइजर व ग्लब्स प्रयोग यायेमा । अथेहे सिटया लहरय् छम्ह जक तयेमागु ब्यवस्था दुगु मन्त्री खतिवडां जानकारी बियादिल । मन्त्री खतिवडां बियादिगु जानकारी कथं सार्वजनिक यातायातय् तोकेयागु स्वयाँ ५० प्रतिशत अप्वः भाडा लगेजुई । थ्वः निर्णय शुक्रबाःनिसें लागू जुई । सरकारं ट्याक्सी सञ्चालनया अनुमति नं ब्युगु दु ।
सरकारं ताःहाकगु व मध्यम दूरीया सवारी साधन चलेयायेत धासाः अझ नं रोक यागु दु ।