नेपालय् भारतीय बुखँ च्यानल बन्द

maitrinews

येँ । नेपाःया राष्ट्रियता व स्वाभिमानविरुद्ध भ्रमपूर्ण बुखँ तथा विश्लेषण सम्प्रेषण याइगु छुं भारतीय टेलिभिजन च्यानलया प्रसारण नेपालय् बन्द यागु दु ।
विदेशी च्यानल वितरक मल्टी सिस्टम अपरेटर एमएसओतयेगु भारतीय न्युज च्यानलया प्रसारण बिहीबाःनिसें नेपालय् बन्द यागु खः । भारतीय च्यानलय् नेपाःविरुद्ध भ्रमपूर्ण बुखँ तथा विश्लेषण सम्प्रेषण जुसेलिं च्यानलया ग्राहकतयेसं फोन व म्यासेज याना उजागु च्यानल बन्द यायेत वितरकयात इनाप यागु खः ।
डिसहोम, मेगा म्याक्स, डीएसएन, मेरो टिभीलगायतले सामूहिक रूपमा आजतक, जी न्युज, एबीपी न्युजलगायत भारतीय न्युज च्यानलहरूको प्रसारण बन्द गर्ने निर्णय गरेका हुन् ।
डिसहोमया प्रबन्ध निर्देशक सुदीप आचार्यया कथं सरकारी स्वामित्वया दूरदर्शन व छुं बिजनेस टेलिभिजनबाहेक नेपाःविरुद्ध भ्रमपूर्ण बुखँ सम्प्रेषण यागु टेलिभिजन च्यानल बिहीबाःनिसें नेपालय् खनदेमदइगु व्यवस्था यागु दु ।
भारतीय टिभी च्यानलतयेसं नेपाःया अद्यावधिक नक्सा प्रकाशननापं आन्तरिक राजनीतिक तथा कूटनीतिक मर्यादाविपरीतया विषयलय् तराई मधेसया नेता समेतया नां जोडेयाना भ्रमपूर्ण बुखँ प्रसारण यानाच्वगु दु । प्रबन्ध निर्देशक आचार्यं भारतीय च्यानलय् नेपाःविरोधी ‘कन्टेन्ट’ प्रसारण अप्वः जुसेलिं वितरकदथुईया सहलहं साङ्केतिक रूपय् भारतीय च्यानल बन्द यागु धयादिल ।
वय्कलं युट्युबनापं इन्टरनेटया माध्यमपाखें वइगु नेपाःविरोधी सामग्री रोक यायेत सरकारं विशेष कुतः यायेमागु समेत धयादिल ।
वय्कलं भारतीय च्यानलया ‘डाउनिङ’ लाइसेन्स हे खारेज यायेत सरकारं फुगु धासें ‘क्लिन फिड’ लागू याये न्ह्यो हे इन्टरनेटपाखें अनधिकृत रूपय् वइगु भिडियो कन्टेन्ट रोकेयायेमागु धयादिल ।