स्वनिगलय् थप ४२ म्ह कोरोना संक्रमण पुष्टि

maitrinews

येँ । नेपालय् शुक्रबाः ११८ म्ह कोरोना संक्रमण पुष्टि जुगु दु । अथेहे, स्वनिगलय् जक ४२ म्ह संक्रमित थप जुगु दु । देँन्यंक कोरोना संक्रमणया ग्राफ क्वहाँ वयाच्वंगु इलय् स्वनिगलय् धासाः कोरोना संक्रमितया अप्वया वंगु दु ।

थौं स्वनिगःया स्वंगु जिल्लाय् थप ४२ म्ह कोरोना संक्रमण पुष्टि जुगु दु ।

शुक्रराज ट्रपिकल अस्पतालय् यागु नमुना परीक्षणय् येँया १, पाटन अस्पतालया प्रयोगशालाय् याग परीक्षणय् यलया १३ व येँया १५ म्हय् कोरोना पुष्टि जुगु खः ।

अथेहे, ख्वपया छम्ह कोरोना पुष्टि जुगु दु । शिक्षण अस्पताल महाराजगञ्जय् येँया १२ म्ह कोरोना संक्रमण पुष्टि जुगु स्वास्थ्य मन्त्रालयं धागु दु ।