स्वनिगः नापं देँन्यंकया नेवाः समुदायं थौं गथाँमुगः नखः हनिगु

maitrinews

येँ । थौं श्रावण कृष्णपक्ष चतुर्दशीया दिँ स्वनिगः नापं देँन्यंकया नेवाः समुदायं गथाँमुगः नखः हनिगु खः ।
दुष्टात्मा व भूतप्रेत पन्छेयाना छेँ सफा सुग्घर याना घन्टाकर्ण दहन यायेगु प्रचलन दु । श्रावण कृष्णपक्ष चतुर्दशीया दिँ धंकातगु टिकथिं दयेकातगु गथाँमुगःयात निभाँबिधुंका खुसिँ यंका चुइका छ्वई ।
उकिंन्हापा, नेवाः समुदाय टोलवासीयात छ्वालीं च्याकाँ स्वक्वः चाःहिकेगु परम्परा दु । धार्मिक कथन कथं यक्वः बुँ दुपिं नेवाः समुदायया किसानपिसं थःगु बुज्या अपुकेया लागिं छेँ भूत पन्छेयाना पिने छ्वयेगु दिँया रूपय् थुगु दिँयात परापूर्वकाल निसें हे हनावया च्वगु खः ।
ऐतिहासिक किंवदन्ती कथं छम्हः तान्त्रिकं ब्याँचाया रुप धारण याना निपाँ न्हयापने घन्टा झुन्डेयाना मनूतयेत नयाजुम्हः राक्षसयात छल याना, नाले थुना सकसिनं दाया स्यागु व राक्षसया भयं मुक्त जुगु विश्वास याई । थ्वहें किंवदन्ती कथं बहनी छेँ छेँ नं छ्वाली म्हूले फकँ, न्हाकँ, कँनि, बसिँ कचाः, धुँ स्वाँ व बौ स्वाँ तया छ्वालीं मिँ च्याका छेँ चाहिकिगु चलन दु ।