चेल्सी एफए कपया फाइनलय् प्रवेश

maitrinews

येँ । म्यान्चेस्टर युनाईटेडयात बुकाः चेल्सी एफए कप फुटबलया फाइनलय् प्रवेश यागु दु ।
म्हिगः चान्हें जुगु सेमिफाईनल कासाय् चेल्सीं म्यान्चेस्टर युनाईटेडयात ३–१ गोलं बुकुगु खः । चेल्सीया लागिं ओलिभर जिरु व मेसन माउन्टं छगु छगु गोल यात ।
म्यानचेस्टर युनाइटेडया ह्यारी म्याग्वेरं छगु आत्मघाती गोल यागु खः । ७४ औँ मिनेटय् ३–० गोलं लिपा लागु घरेलु टोली म्यान्चेस्टर युनाईटेडया लागिं ब्रुनो फर्नान्डेजं छगु सान्त्वना गोल यात ।
चेल्सीं आः उपाधिया लागिं वइगु अगस्ट १ य् जुइगु फाईनल कासाय् आर्सनलनापं प्रतिस्पर्धा याई । न्हापांगु सेमिफाईनलय् म्यान्चेस्टर सिटीयात बुका आर्सनल फाईनलय् थ्यंगु खः ।