थौं साउन महिनाया न्हापांगु सोमबाः, कारोनाया हुनिं देँगः बन्द जुया भक्तजनं पिने हे दर्शन यात

येँ । थौं साउन महिनाया न्हापांगु सोमबाः देँन्यंकया शिवालयय् पूजा यायेत भक्तजनया भीड जुगु दु ।
तर, थ्वः वर्ष कोरोना भाइरसया संक्रमणया हुनिं अप्वथें देँगः बन्द जुया भक्तजनं पिनेंहे दर्शन यानाच्वंगु दु । साउन महीना व सोमबाः भगवान् शिवया महीना एवं बार जुगुलिं थौं सुथय् हे स्नान याना शिवालयय् पूजा एवं दर्शन यासा मनोकांक्षा पूरा जुइगु, अटल सौभाग्य प्राप्त जुइगु धार्मिक विश्वास दु । ह्यांगु एवं वांगु वसः पुना विवाहित मिसाःपिंस थःमिजँया दीर्घजीवनया कामना व अविवाहित मिसाःपिंस योग्य वरया कामना यासें साउनया सोमबाःया व्रत च्वनिगु प्रचलन दु ।