थौंनिसें गुँला पर्व ह्यात

येँ । थौंनिसें गुँला पर्व शुरु जुगु दु ।
नेपाल सम्वतया गुँगु महिनाय् हनिगु जुया थुकिंयात गुँला पर्व धाइगु खः । हरेक वर्ष साउन शुक्ल पारुनिसें सुरु जुइगु थ्वः पर्व लच्छिँतक्क न्ह्याइगु खः । गुँलाया अवसरय् बाजागाजा नापं स्वनिगलय् च्वंगु बौद्ध चैत्य, बहाँबही तथा देँगःत चाहिलेगु याई । विशेष याना नेवाः समुदायया बौद्धधर्मावलम्बीपिंस थ्वः पर्वय् धाः बाजा (गुँला बाजा) बजेयाना चैत्य परिक्रमा यायेगु यई । तर थ्वः वर्ष धासाः कोरोना संक्रमण फैलेजुइगु त्रासया हुनिं गुँला पर्वया अवसरय् याइगु दक्वः जात्रातः स्थगित यागु दु ।