आइएमई पे व मुक्तिनाथ क्यापिटलदथुई सम्झौता

येँ । आइएमई ग्रुपपाखें प्रवद्र्घित आइएमई पे व मुक्तिनाथ क्यापिटलदथुई सम्झौता जुगु दु । सम्झौता कथं मुक्तिनाथ क्यापिटल लिमिटेडया सेवाग्राहीतयेसं डीम्याट व मेरो शेयर नवीकरण शूल्क आइएमई पे वालेट पाखें अपुकः भुक्तानी यायेफई ।
थ्वः सम्बन्धि सम्झौता–पौंलय् मुक्तिनाथ क्यापिटल लिमिटेडया पाखें प्रमुख कार्यकारी अधिकृत कविन्द्र जोशी व आइएमई पेया पाखें बजार व्यवस्थापन प्रमुख गुण श्रेष्ठं हस्ताक्षर यानादिगु दु ।
थ्यमथ्यं २५ हजार एजेण्ट आउटलेट संजाल दुगु ‘आइएमई पे’ आइएमई ग्रुप अन्तर्गतया डिजिटल वित्तीय सेवाप्रदायक उत्पादन खः । नेपाल राष्ट्र बैंकया भुक्तानी तथा फर्छ्यौट विनियमावली– २०७२ बमोजिम आइएमई डिजिटलं दूरसञ्चार सञ्जालया माध्यमपाखें मोबाइल वालेट सेवा प्रदान यायेगु अनुमति प्राप्त कागु खः । उगु अनुमति कागु आइएमई डिजिटल देँया हे न्हापांगु भुक्तानी सेवा प्रदायक कम्पनी खः ।
आइएमई डिजिटलं ‘ आईएमई पे ’ ब्रान्ड अन्तर्गत मोबाइल वालेट सेवा उपलब्ध याकिइ व उकिया ग्वाहालीं सेवाग्राही थःम्हहे अथवा एजेन्टतयेगु ग्वहाली कया मोबाइल पाखें थी थी किसिमया भुक्तानी सम्बन्धी कार्य यायेफई । थुकिं व्यक्ति–व्यक्तिया दथुई जुइगु सामान्य रकम ट्रान्सफर यायेगु सुविधानापं कया थी थी अनलाइन तथा स्थलगत स्टोरतयेके क्यु आर ९त्तच्० पाखें भुक्तानी यायेगु, मोबाइल रिचार्ज यायेगु व थी थी छेँ तथा ज्याकुथिया बील भुक्तानीइ सेवा बियावगु दु । आइएमई डिजिटलं बैंकया सुविधापाखें वञ्चित तथा न्यून बैंकिङ्ग सुविधा प्राप्त नेपाली नापं दक्वः सर्वसाधारण जनतायात वित्तीय सेवायापहुँच उपलब्ध याका नेपाःया वित्तीय समावेशीकरणय् ग्वहाली यायेगु लक्ष्य कागु दु ।