बाँकेया कारागारया न्याँम्ह प्रहरीयाके कोरोना

बाँके । बाँकेया नेपालगन्ज कारागारय् कार्यरत न्याँम्ह प्रहरी जवानय् कोरोना पुष्टि जुगु दु । अथेहे, वडा प्रहरी कार्यालय नेपालगन्जय् कार्यरत छम्ह प्रहरी व नेपालगन्ज कारागारय् च्वपिं न्हेम्ह कैदी बन्दी याना १३ म्हय् कोरोना संक्रमण पुष्टि जुगु खः ।
लिपांगु साउन १८ गते नेपालगन्ज कारागारपाखें यागु स्वाव संकलनय् कोरोना पुष्टि जुगु जिल्ला स्वास्थ्य कार्यालय बाँकें धागु दु । स्वाव संकलन याना भेरीइ परिक्षण यागुलिं १३ म्हय् संक्रमण खनेदुगु जिल्ला स्वास्थ्य कार्यालय बाँकेया फोकल पर्सन नरेश श्रेष्ठं जानकारी बियादिल ।
संक्रमित खुम्ह प्रहरीमध्ये निमह मिसाः व छम्ह वडा प्रहरी कार्यालय नेपालगन्जय् कार्यरत प्रहरी जवान दुगु खः । संक्रमित प्रहरी व कैदीयात कृषि तालिम केन्द्र खजुराया आईसोलेशनय् तयेगु तयारी जुयाच्वंगु श्रेष्ठं जानकारी बियादिल ।