कोरोना संक्रमण अप्व जुया १४ जिल्लाय् निषेधाज्ञा

येँ । संक्रमण रोकेयायेत देशया १४ जिल्लाय् आंशिक तथा पूर्ण रुपय् निषेधाज्ञा जारी यागु दु । गृहमन्त्रालयया कथं १४ मध्ये छुं जिल्लाय् जिल्लान्यंक व छुं जिल्लाय् आंशिक निषेधाज्ञा यागु दु ।
सप्तरी, बाँके, पर्सा, बारा, सर्लाही व स्याङ्जाय् जिल्लान्यंक निषेधाज्ञा जारी याग दु । पर्सा, बारा व सर्लाहीं मेंगु आदेश मजुतक्कया लागिं निषेधाज्ञा जुई धासाः सप्तरीं साउन २६ गतेतक्क, बाँकें २४ व स्याङ्जाय् २३ गतेतक्क निषेधाज्ञा यागु दु ।
धनुषाया जनकपुर उपमहानगरपालिका व क्षीरेश्वरनाथ नगरपालिकाया छुं क्षेत्रय् २५ गतेतक्क निषेधाज्ञा यागु दु । नुवाकोटया पूर्वय् बोहोरेभन्ज्याङ, पश्चिमय् न्हुगु चौतारा, उत्तरय् बागेश्वरी भन्ज्याङ व दक्षिणय् पोखरी डाँडा हिलेटोलतक्क निषेधाज्ञा यागु दु ।
मोरङया बिराटनगर महानगरपालिकाय् ३० गतेतक्कया लागिं, महोत्तरीया सदरमुकाम आसपास क्षेत्रय् थौं बहनितक्क निषेधाज्ञा दु । झापाया बिर्तामोड नगरपालिकाय् मेंगु आदेश मवतक्कया लागिं व अर्जुनधारा नगरपालिकाय् कन्हेंतक्कया लागिं निषेधाज्ञा यागु दु । सुनसरीया बराहक्षेत्र नगरपालिका वडा नं। ६, ७ व ८ य् मेंगु आदेश मवतक्कया लागिं निषेधाज्ञा यागु दु । बझाङया थलारा गाउँपालिका वडा नं। ५, व केदारस्युँ गाउँपालिका वडा नं। ६, ७ य् ३२ गतेतक्कया लागिं निषेधाज्ञा यागु दु ।
दार्चुलाया मार्मा गाउँपालिकाय् व बझाङया थी थी थासय् निषेधाज्ञा लगेयागु गृह मन्त्रालयं जारी यागु विज्ञप्तीं उल्लेख दु ।