चितुवां डेढ वर्ष दुम्ह मचाःयात नलः

तनहुँ । चितुवाया आक्रमणपाखें तनहुँया शुक्लागण्डकी नगरपालिका–२ मसारय् बुधबाः चान्हें डेढ वर्षदुम्ह मचाः सीगु दु ।
सीम्ह उगु हे थाय्या विष्णुकुमार रानाया काय् रोहन राना जुगु इलाका प्रहरी कार्यालय बेलचौतारां धागु दु ।
छेँपिने च्यनाच्वंगु च्वनाच्वंगु इलय् चितुवाया आक्रमणय् लाना मचाः सीगु कार्यालयया प्रहरी निरीक्षक जगदीश रेग्मीं धयादिल ।
सीम्ह मचाःया शव छेँ स्वयाँ छुं तापाकः लुयावगु खः । जिल्लाय्लिपांगु ई मचातयेत चितुवाया निशानाय् लागु दु । लिपांगु असार १७ गते चान्हें आँबुखैरेनी गाउँपालिका–१ समस्तीपुरय् चितुवाया आक्रमणपाखें १० वर्ष दुम्ह अमिषा थापा घाःपा जुगु खः ।
विसं २०७४ फागुन थुखे चितुवाया आक्रमणपाखें १० म्ह मचाःत सीगु दु । चितुवाया आहारा प्रजाति मृग, बँदेल, खराः, गुँ खाः आदि वनय् लोप जुया वसेलिं चितुवा बस्तीइ प्रवेश याना मचातयेत आक्रमण यागु डिभिजन वन कार्यालयं धागु दु ।